Oriflame Egypt : طريقة لف شال اوريفليم الصيفي, طرق استخدام شال أوري...

Oriflame Egypt : طريقة لف شال اوريفليم الصيفي, طرق استخدام شال أوري...: طريقة لف شال اوريفليم الصيفي, اليكي عشرة طرق استخدام شال أوريفليم الصيفي الرائع , Oriflame Oasis Pareo عايزين تعرفوا أكثر عن طرق استخدام...

طريقة لف شال اوريفليم الصيفي, طرق استخدام شال أوريفليم الصيفي الرائع ,Oriflame Oasis Pareo

طريقة لف شال اوريفليم الصيفي,

اليكي عشرة طرق استخدام شال أوريفليم الصيفي الرائع ,

Oriflame Oasis Pareo

عايزين تعرفوا أكثر عن طرق استخدام شال أوريفليم الصيفي الرائع! اتفرجوا على الفيديو ده معانا و لو عجبكوا شاركونا رأيكوا



Want to make the best of the our new Oasis Pareo! watch this video
and learn many ways on how to wear it! Let us know if you liked it and
share it with your friends so they know how useful the Pareo is!

 

صنفري وشك بكيس فروتى ابو نص جنيه, ارخص طريقه لصنفرة البشرة

ازيكو يا بنات
الموضوع النهارده سهل وبسيط ورخيص جدا ونتايجه ممتازه وانا مجرباه والله على ما اقول شهيد

انا هكلمكو شويه عن فكره الاسكراب او سنفره البشره سواء بشره الجسم او الوش
هو موضوع السنفره يا بنات قايم على
فكره الحبيباااااااااااااات فقط لاغير يعنى لا فى تغذيه ولا ترطيب هيحصل لبشرتك من الحبيبات دى
فاهمنى ؟
يعنى هى وسيله فقط لا غير او عامل مساعد وخلاص على كده
بيساعدنا على التخلص من الجلد الميت وبسسسسسسسس
اهم حاجه الخطوه اللى بعد كده اللى هى الترطيب لان الجلد بيبقى عطشان لاى ماده مرطبه
سواء كريم او جيل او الزيوت الخاصه بترطيب البشره
الحبيبات دى يا بنات بتعمل ايه
هى بتشيل الجلد الميت المتراكم اللى مش بيتشال بطرق التنظيف العاديه بتاعتنا
ولازم تعرفى ان لكل مقام مقال
بمعنى انك متجيش تجيبى رمل و ملح خشن وتسنفرى بيه وشك مثلا هتبقى ليله
امطينه بطين
ووشك هيتجرح ويتعور ويتخرشم خالص وبعدين هيسجلوكى فى اقسام الشرطه
مسجله خطر
بعد المنظر النهائى اللى انتى هتوصليلو
انتى لازم تعرفى طبيعه بشرتك وايه اللى يناسبها وايه اللى ما يناسبهاش
والبشره الحساسه لها سنفره تختلف عن البشره الدهنيه عن اليشره العاديه عن البشره المختلطه
يعنى خلى بالك كويس جدا وانتى بتختارى نوع سنفرتك
انا مثلا اسمع ان فى ناس يتستعمل رمل الشواطئ وتسنفر بيه كعوب رجليها وهما بيصيفوا وده عادى جدا وجايز انه يحصل
لان كعب الرجل من انشف المناطق فى الجسم ويستحمل اى نوع من السنفره لان جلده اتخن من اى منطقه تانيه فى الجسم
نرجع بقى لموضوعنا
طبعا كلنا بنسنفر بملح وسكر وزيت
او بملح الحليب او بسنفره بنشتريها من محلات ادوات التجميل كده يعنى
انا بقى امبارح سنفرتى خلصت
طب اعمل ايه اقعد واحط ايدى على خدى لا طبعا
انا قومت دعبست فى المطبخ كاعادتى
ولقيت

كيس عصير فروتى
اه فروتى
وانا عارفه انه طبعا عباره عن حبيبات صغيره
قومت فاتحه الكيس وقولت اجرب هخسر ايه يعنى ههههههههه
وجيبت زيت بيبى اويل ودهنت وشى
واخدت حبه بحبه من الكيس سنفرت بيه وشى بالراحه جداااااااااااا يا بنات
انا قولت اهو
وده زيت بيبى اويل بالكاموميل
وبالصبار برضه ممتاز انا جربته قبل كده وعجبنى
وممكن تعجنى الفروتى ده بحته من حمام الكريم بتاعك
او حبه من بلسم الشعر بتاعك
او حته من كريم البشره بتاعك وتسنفرى براحتك
شوفتى قدامك كام اختيار تحتارى منهم
يلا
عشان متقولوش انى حرماكم من حاجه
الزيت اهو





وحطيت كريم بعده ونمت وصحيت الصبح اهو
لقيت وشى
ماشاء الله على شكله
بيزيق من النضافه وناعم جداااااااااا والله يا بنات
اهم حاجه لو لقيتى حبيباته ناشفه على وشك اوى متكمليش دى لو كانت بشرتك حساسه يعنى
واهم حاجه تحطى زيت معاه
واستعملى اى زيت كعامل مساعد
بس
سواء بيبى اويل او زيت زتون او جنين القمح او زيت اللوز الحلو او حتى زيت تموين هههههههه
طب اقولكو ايه بس
الزيوت اللى فى مخى كلها خلصت

ادى الكيس اهو





وده من جوه اكيد انتو عارفين شكله



اهو كمان

معلومه صغيره
متخافيش من النكهه بتاعته
لان دلوقتى السوق مليان بالمنتجات اللى بتحتوى على فيتامين سى
ده غير ان كتير من الوصفات الطبيعيه
عصير اليوستفندى او البرتقان او اللمون بقى عنصر مهم جدا واساسى فيها
وكده كده انتى مش هتستفيدى من النكهه بتاعته لان السنفره عموما ما بتاخدش ثوانى
فنكهتها مش هتعود عليكى لا بالسلب و لا بالايجاب
احنا كل اللى يهمنا الحبيبات بتاعته وشكرا ليه على كده






وطبعا ده هينفع للاماكن الحساسه جدا وللكوع والركب كمان جدا
اتمنى ان وصفتى تعجبكم
والتقييم لو سمحتو يا بناويت لو عجبتكم الوصفه
مع الف سلامه

وفري في فاتورة الكهرباء و اعرفي ايه الاجهزة اللي بتسحب كهربا اكتر, احسبي فاتورة الكهرباء بنفسك قبل ماتجيلك من الشركه المصدر : منتدى الدعم العربى: http://samaoriflame.alafdal.net/t71-topic#ixzz2VdmhvjSC

السلام عليكم و رحمة الله و بركاته

انا لقيت ناس كتير عندها افكار خاطئة عن استهلاك الاجهزة الكهربائية للكهربا

زى مثلا الميكرويف و التكييف و القلاية و الفرن و هكذا

و بيفتكروا ان تشغيل جهاز معين هو ده اللى بيزود فى الفاتورة فى حين ممكن يكون السبب جهاز تانى تماما ماجاش ف بالهم

ف ان شاء الله انا هنا هاشرحلكم بالظبط الاستهلاك بيكون ازاى
و مين الاجهزة اللى بتكلفنا فى الفاتورة اكتر من غيرها
و هاقولكم ازاى تحسبوا استهلاك شقتكم من الكهربا
و كمان شوية نصايح سهلة و مفيدة جدا لتوفير فاتورة الكهربا
و اللى تحس انها استفادت من الموضوع ماتنسانيش بدعوة بظهر الغيب

---------------------------------------------------------------------------------------

يلا نبدأ ..
بسم الله الرحمن الرحيم
--------------------------------------------------------------------------------------

الجزء الاول : استهلاك بعض الاجهزة الكهربية : (وات/ساعة) : -------------------------اولا : اجهزة المطبخ :-------------------------
475]التلاجة : ال20 قدم بتبقى 540 - و ال16 قدم بتبقى 475

غسالة الاطباق : 1200 -

1500

الخلاط :


300

الميكرويف : 600-1500 على حسب انتى بتشغليه على اعلى قوة ولا اقل قوة ليه

الفرن الكهربا : 2000
حلة القلى " القلاية الكهربا " : 1200

سخان الماء " الغلاية بتاعة الشاى " : 400
غسالة الهدوم : الاتوماتيك 500 - اليدوى 300

ثانيا : اجهزة الحمام :--------------------------
السخان الكهربا " بتاع الاستحمام " : 100

ثالثا : أجهزة باقى الحجرات :----------------------------------
التكييف : 1000 للأوضة لكن لو مركزى يبقى 2000 - 5000
مروحة السقف : 10 - 50
المروحة المتنقلة : 10 - 25
اللاب توب : 20-50
الكمبيوتر العادى : 80 - 150
التليفزيون : 70 - 150
المكواة : 1000

-----------------------------------------------------------------------

طبعا نخلى بالنا ان اللى انا كاتباه ده الاستهلاك بالوات فى الساعة
و فى اجهزة ممكن يبقى استهلاكها عالى بس بنشغلها قليل
فى حين اجهزة تانية استهلاكها قليل بس بنشغلها طول اليوم
ف مش معنى ان جهاز استهلاكه عالى يبقى هو ده اللى بيكلفنا كتير فى فاتورة الكهربا

مثال :
التليفزيون 150 وات/الساعة .. بيشتغل 8 ساعات ف اليوم .. يبقى 1200 وات ف اليوم
القلاية 1200 وات/الساعة .... بتشتغل نص ساعة ف اليوم .. يبقى 600 وات ف اليوم

فهمتوا ؟؟
----------------------------------------------------------------------
الجزء التانى : مين بيكلفنا اكتر ؟؟

ده شكل توضيحى بيبين التكلفة اللى بتسببها الاجهزة بتاعتنا سنويا


طبعا فى اجهزة احنا مش بنستخدمها زى مضخة حمام السباحة لان الصورة دى من موقع اجنبى
بس هاتلاقوا ان اكتر حاجة بتكلف بالترتيب كده هى :

1 التلاجة لانها شغالة طول اليوم ليل نهار
2- الغسالة
3- التكييف ... طبعا ده ف الصيف و لو شغال طول اليوم
" هو فى الصورة كاتب السخان المائى لان عندهم ساقعة بس هو نفس وات التكييف تقريبا "
4- الفرن الكهربائى ... اللى بيعتمدوا عليه بصورة دائمة
5- غسالة الاطباق
6- الكمبيوتر
7- التليفزيون
8- الميكرويف

-------------------------------------------------------------------
الجزء التالتنيجى دلوقت لجزئية ازاى نحسب استهلاك اجهزتنا فى الشقةاو استهلاك شقتنا ككل

دى آلة حاسبة بسيطة مخصصة للموضوع ده
ده لينك التحميل :
http://www.absak.com/pdf/docs/loadeval.pdf

هى بتشتغل ببرنامج اللى بيفتح ملفات ال PDF اعتقد موجود عندنا كلنا
بعد ما تفتحوها هاتلاقوا الشكل ده :



تعالو نفهم مع بعض هنستخدمها ازاى ؟
المربع الفاضى اللى فوق جمب خانة Name ده اسمك عادى و انا كاتبة اسمى
و اللى جمب ال Date ده التاريخ و انا كتبت تاريخ انهردة
لو مكتبتيهمش مش مشكلة مش هيجرى حاجة

نيجى للعواميد :
1- اول عمود من الشمال اسمه Appliance يعنى الجهاز ... هاتكتبى اسم الجهاز .. و انا كتبت الميكرويف

2- تانى عمود بيقولك اختارى هو AC يعنى تيار متردد ولا DC يعنى تيار ثابت ؟ ... احنا هنا ف مصر كل كهربتنا تيار متردد
ف هتختارى AC ف اى جهاز تكتبيه

3- تالت عمود اللى اسمه Qty يعنى Quantity يعنى الكمية .. بتكتبى عدد الاجهزة .. عندك مروحة واحدة ولا اتنين ؟ تكييف واحد ولا اتنين ؟ و هكذا .. انا هنا كتبت 1 لان عندى ميكرويف واحد

4- رابع عمود اللى اسمه Watts .. عدد الوات
اللى احنا كاتبينه فى القايمة اللى ف اول الموضوع ده .. بس ليه حسبة بسيطة
مش بنكتب الرقم زى ماهو .. لازم نضربه الاول فى 1.15 أمبير عشان التيار
بتاعنا متردد

و عشان تحسبيها هو مسهل لنا الموضوع هاتلاقي ف اول عمود على اليمين مربعين تحت بعض
المربع الاول Volt ده هاتكتبى فيه عدد الوات اللى تبع الجهاز من القائمة اللى انا كاتباها فوق ... انا كتبت 1500 بتاعة الميكرويف
و المربع اللى تحته Amps يعنى أمبير هاتكتبى فيه 1.15 ... كتبتها
و تقومى تدوسى ف اى حتة فاضية برة المربع هايقوم يطلعلك الناتج .. هو طلعلى 1725 قمت رجعت كتبتها ف العمود الرابع

و عشان هو واحد ابن ناس مسهل علينا اكتر و حاطط بردو ف العمود اللى على
اليمين - بس تحت شوية ف معرفتش اجيبه ف الصورة اللى فوق - المنظر ده


ده نفس اللى قلناه بالظبط بس هو كاتب من نفسه ال 1.15 عشان يسهل علينا ف احنا مجرد بس نكتب الوات و هو يحسب على طول
و المربع اللى مكتوب فيه Erase form ده يعنى امسح الحسبة دى عشان احسب لجهاز جديد

5- خامس عمود Hrs/day يعنى بتستخدميه كام ساعة ف اليوم ؟
لو ساعة فيما فوق اعتقد سهلة تكتبوها مفيش مشكلة
لو اقل خلى بالك انه مش بيتعامل بالدقايق
عشان كده 0.3 يعنى تقريبا تلت ساعة
لو عايزة نص ساعة اكتبى 0.5
لو ربع ساعة اكتبى 0.25
و هكذا

اخرخطوة بأة دوسى بالماوس ف اى حتة برة المربع هايقوم كاتبلك استهلاك الجهاز النهائى فى العمود السادس
و اللى بيمثل استهلاك الجهاز ده فى اليوم الواحد

كررى الخطوات دى مع كل الاجهزة اللى عندك ف البيت اكتبيهم تحت بعض و ماتمسحيش حاجة من اللى انتى كتبتيه
هاتلاقى ف اخر الصفحة على اليمين خانة اسمها
Corrected Watt-Hour/day
هو بيجمع اوتوماتيك استهلاك كل الاجهزة بتاعتك ف اليوم و بيقولك اد ايه

لو فى حاجة مش مفهومة ف الموضوع ده .. اى استفسار انا تحت أمركم

---------------------------------------------------------------------------------------------

الجزء الرابع و الأخير : ازاى نوفر فى الكهربا ؟

1- أول و حاجة و أهم حاجة ..الأجهزة اللى بتبقى محطوطة ف الفيشة ليل نهار
حتى و هى مش شغالة .. زى التليفزيون و الريسيفر و الميكرويف .. الوضع ده
اسمه Stand by يعنى وضع الاستعداد
يمكن كتير يستغرب المعلومة دى ... بس الاجهزة دى حتى و هى مطفيه فهى بتستهلك كهربا !!
لدرجة ان واحد عمل تجربة و جاب مقياس كهربا و ركبه فى الميكرويف و كانت دى النتيجة

اللون الاحمر ده استهلاكه و هو مطفى
و اللون الازرق استهلاكه لما بيشتغل
تخيلوا ان 45% من فاتورة الميكرويف بندفعها عليه و هو مطفى !!
و التليفزيون بيوصل ساعات ل90% كمان !

يبقى اول خطول نعملها هو اننا نشيل الفيشة للاجهزة الغير مستخدمة و نحطها عند تشغيلها
و لو ده صعب عليكو .. فى حل اسهل
عارفين المشترك ده

موجود عادى عند اى كهربائى
بتحطى فيه فيشة التليفزيون مع الريسيفر مع الفيديو مع البلاى ستيشن او المروحة مثلا مع اى جهاز تانى قريب
بمجرد ما تقفلى الزرار الاحمر ده يبقى كأنك شيلتى فيشاتهم كلهم و سهل ف فتحه و قفله عادى

2- الكمبيوترات ماتسيبهاش على وضع ال stand by لان ده بيسحب كهربا .. لو
مش هتستخدميها لفترة و عايزة ترجعى تلاقى كل البرامج اللى كنتى فاتحاها زى
ماهى يبقى اعمليها على وضع sleep

بخصوص الاضاءة :
3- اطفى الانوار الغير مستخدمة .. عودى نفسك و اطفالك اول ما يخرجوا من اى
اوضة يطفوا النور وراهم و لما يشوفوا نور والع مالوش لزمة يطفوه

4- غيرى لمبات بيتك للمبات الموفرة للطاقة

5- استخدام لمبة واحدة كبيرة بيكون اوفر من استخدام كذا لمبة صغيرة مع بعض

6- خدى بالك من لمبة السلم اللى قدام باب الشقة ماتنسيهاش مفتوحة بالنهار

7- اللمبة لما بتتحط ف جانب الغرفة بتدى اضاءة اقوى لانها بتنعكس على حائطين من حوائط الغرفة ف نفس الوقت

بخصوص الغسالة :
8- لو ينفع تخلى الغسالة تغسل بماية عادية بدل الماية السخنة او المغلية بيكون افضل

9- كل ماتقللى فى وقت دورة التجفيف كل ما توفرى اكتر ف طالما كده كده هاتنشرى الغسيل خليها على اقل وقت

بخصوص الطبخ :
10- لو هاتطبخى وجبات كبيرة صوانى كتير و كده ده هايبقى حمل كبير على الميكرويف بيبقى مناسب للوجبات الاصغر
فحاولى تستخدمى معاه فرن البوتجاز عشان توفرى ف الكهربا

11- الميكرويف أوفر من فرن الكهربا لانه اسرع و كمان بيستهلك طاقة اقل

12- اذا ممكن تسوى مثلا الفراخ نص سوى قبل القلى فتحتاج وقت اقل ف القلاية بالتالى توفرى

13 - اول ما تشيلى الغسيل من ع الحبل اكويه او علقيه على شماعة او طبقيه و
هو مفرود نسبيا كده عشان يسهل فى المكواة بعدين و يوفر كهربتها

بخصوص التلاجة :
14- سيبى الاكل يبرد قبل ما تحطيه ف التلاجة ماتحطيهوش و هو سخن لانه هايستهلك طاقة زيادة ف التبريد

15 - ماتحطيش سوائل ف التلاجة من غير ماتغطيها لان التبخر بتاعها بيخلى
التبريد اصعب .. و قاعدة عامة اصلا غطى اى حاجة بتحطيها ف التلاجة سواء اكل
او شرب .. حتى تلاحظى ان الاكل لو ماغطيتهوش بينشف لان المية اللى فيه
بيتبخر

16- كلما امكن .. لو عندك حاجة مجمدة سيبيها تفك ف التلاجة من تحت .. البرودة اللى بتخرج منها بتساعد التلاجة ف التبريد فتقلل طاقتها

17- التلاجة لما تكون مليانة بالاكل افضل من و هى فاضية بس تاخدى بالك
بردو انها متكونش متكربسة بحيث تعوق دورة التبريد و سريان الهواء بداخلها

بخصوص غسالة الاطباق:
18- بيكون افضل لو تشغلى غسالة الاطباق و هى مليانة بالمواعين على ماتكون فاضية فتشغليها عدد مرات اقل

بخصوص تبريد الجو :
19- استخدمى المراوح بدلا من التكييف كلما أمكن

20 - ماتحطيش حاجة " قطع اثاث " قدام فتحات التكييف او الدفاية تسدها .. و لما تشغليهم اقفلى باب و شبابيك الاوضة كويس

21- نضفى فلاتر التكييف ع الاقل كل شهر مرة

22- لو تقدرى تضللى " تعملى ظل او تندة يعنى " على التكييف بتاعك اللى معرض للشمس بره ده بيوفر من طاقته

بخصوص السخان :
23- لو عندك غاز يبقى طبعا سخان الغاز اوفر من سخان الكهربا

24- لو عندك السخان الكهربا يبقى خلى بالك ماتسيبهوش شغال عمال على بطال ،
لانه بعد ما يسخن الماية المفروض يتطفى لحد ما المية السخنة تخلص بعدين
نشغله عشان يسخن شوية غيرهم

المصدر : منتدى الدعم العربى: http://samaoriflame.alafdal.net/t71-topic#ixzz2Vdma1AY8

Oriflame Egypt : اعملى الاسيتون بنفسك , طريقه سهله لعمل مزيل طلاء ا...

Oriflame Egypt : اعملى الاسيتون بنفسك , طريقه سهله لعمل مزيل طلاء ا...: اعملى الاسيتون بنفسك , طريقه سهله لعمل مزيل طلاء الاظافر طريقة سهلة وبسيطة من مطبخك لـ “مزيل آلمناكير “ لو معندكيش اسيتون في البيت و عايزة...

اعملى الاسيتون بنفسك , طريقه سهله لعمل مزيل طلاء الاظافر

اعملى الاسيتون بنفسك , طريقه سهله لعمل مزيل طلاء الاظافر

طريقة سهلة وبسيطة من مطبخك لـ “مزيل آلمناكير “

لو معندكيش اسيتون في البيت و عايزة تصلي

اعملى المزيل انتى بنفسك


*اعصري ليمونه في طبق

*واضيفي لها شوية ماء

*ونقطتين من عطرك

*ادخلي أصابعك دقيقتين

*وابدأي بالمسح بواسطة قطنه “أو بمنديل نظيف

جدول تسهيل حفظ القران

حافظي على نظافة فرش مكياجك

يمكن تنظيف فرشاة الماكياج باستخدام شامبو لطيف مثل الشامبو المخصص للأطفال أو باستخدام منظف خاص لفرش الماكياج. في حال استخدامك لمنظف خاص لفرش الماكياج يجب عليك قراءة تعليمات الاستخدام بدقة، فبعض المنظفات تحتاج الى اذابتها في الماء أولاً، بينما البعض الآخر يحتوي على الكحول ولا يحتاج الى استعمال المياه أثناء التنظيف.
الخطوات الموجب إتباعها أثناء التنظيف بالشاميو :

تسكب بضع قطرات من الشامبو على كف اليد، ثم يخلط الصابون مع قليل من الماء وتحرك الفرشاة بحركات دائرية خفيفة ثم تغسل الفرشاة بماء فاتر.

توضع الفرشاة فوق منشفة ورقية وتترك حتى تجف تماماً.
كيف تحافظين على فرشاة الماكياج لأطول فترة ممكنة؟

التنظيف المستمر أول خطوة لاطالة عمر الفرشاة ومنع تراكم البكتيريا عليها.

وضع الفرشاة بطريقة أفقية عندما تكون جافة وتجفيفها جيدًا عندما تكون مبللة وتركها تجف جيداً مما يساعد على عدم تفلطح شكل شعيرات الفرشاة.

ابقاء الفرشاة بعيدًا عن أشعة الشمس المباشرة للمساعدة على المحفاظة على جودتها طوال الوقت.

تجنب تلطيخ الفرشاة الخاصة بك وذلك عن طريق غسلها فورا بعد استخدام اللون الأبيض أو الألوان التي تترك بقعًا.

افكار لعيد زواجك

ثلاث اشياء رئيسية يجب ان تكون في حفل عيد زواجك او ذكرى يوم زواجك

1 - كيكة و حلويات و معجنات خفيفة بالإضافة الى مشروب صحي عصير برتقال او فروالة حسب رغبتك .

2- ورود و هدية تقدميها لزوجك .

3- كماليات الحفله مثل بالونات ورق ورد مجفف اكسسوارات و ديكور بسيط للحفله .
الرجل بطبيعته يحب التغير والتجديد ويوم الزواج او عيد الزواج هو تغير لنمط الحياة الطبيعي ومحاولة لتجديد روح الحياة الزوجية , فالمرأة الذكية هي من تعيش في كل يوم بحياتها بطريقة جديدة و تعبر عن حبها بكلمات حب مغايرة عن الأمس .


أولا ً - الكيكة و الأكلات :
يجب ان تكون الكيكة جزء من ديكور هذا الحفل اكتبي عبارة حب عليها وزيني السفرة بأوراق الورد الطبيعي ضعي معجنات الجبن و اللبنه و الزعتر في صحن خاص قدميها بطريقه حلوة . استخدمي أكواب خاصة بالعصير ولا تملئيها اقطعي له جزء من الكيكة بعد تهنئته وتهنئت نفسك به الرجل يحب ان تظهر المرأة حبها له , استخدمي شوكتك لأخذ جزء من الكيكة من صحنه واجعليه يتذوق جزء منها والباقي لك
ثانيا ً - الهدية و الورد :
الورود يجب ان تكون قريب والهدية يفضل ان تكون مخفية قدمي له الورد اولا ً ومعها كرت يحتوي على عبارات حب وبإمكانك استخدام عبارات الحب الموجودة في منتديات عبر , ثم قدمي له الهدية مع قبلة .
بإمكانك ان تلعبي معه لعبة بسيطه , اعطي له مجموعه من التلميحات حول مكان الهدية ودعيه يبحث عنها بنفسه حاولي ان تكون تلميحاتك واضحة ومكان الهدية قريب الهدف من هذا هو جعله يقف وعندما يجد الهدية احصلي على "ضمه" منه . الهدية - بإمكانك اهدائه عطر أو قلم فاخر ايضا ً بإمكانك اهدائه ساعة قيمة .


ثالثا ً - كماليات الحفلة الأكسسورات :
بالونات ملونه املئيها واجعليها حول طاولت الطعام و في غرفة النوم حول السرير , ضعي اوراق الورد على السرير ليكون شكل قلب مثلا ً او عبارة بسيطة مثلاً أحبك
الإضاءة من الكماليات الضرورية في هذا اليوم احصلي على اضاءة هادئة و استخدمي الشموع على طاولت الطعام .

كتالوج اوريفليم شهر يونيو و يوليو 2013 كمان

السلام عليكم و رحمة الله و بركاته

عاملين ايه يا بناااااااااات
انا عندي كتالوج اوريفليم يونيو 2013 من اوريفليم بجوده عاليه جدا

و المفاجأة كمان كتالوج اوريفليم شهر يوليو 2013

اللى عايزاه و كمان احطلها العلامه المائيه بتاعتها
اسمها او رقم تليفونها او اسم الجروب بتاعتها

و تستلمه منى بعد عشر دقايق بس تقوللى


المطلوب بقا منكم

لو عايزة كل صورة لوحدها و مجموع الصور 136 صوره للكتالوج الواحد
هيبقا بعشرة جنيه شحن رصيد
يوصلنى في نفس اليوم
لانى زى ما هكون سريعه في توصيل الكتالوج

انتو كمان تكونوا سريعين في شحن الرصيد و الحق مايزعلش حق
بيس يا جيرل انتى و هيا و لا مش بيس ؟ و دى بقا عينه من الشغل

و ممكن تتغير زى ماانتى عايزة



و ده عينة من كتالوج شهر 7



و اللى عايزة تستلمه بروابط جاهزة تاخديها كوبي على الموضوع
من غير ماتحتاجى ترفعى الصور كلها هنزود كمان خمسه جنيه
و تستلميه بعد ربع ساعه بس بأذن الله



و لو انتى مشتركه في اى شركه تانيه ممكن اعمللك الكتالوج بتاعها بردو
لو اقل من 100 صورة ب 5 جنيه و لو اكتر ب 10


ياللا اللى عايزة تلحق الكتالوج و تبقي اول واحده تنزله على صفحتها

تبعتلى على العام
عشان كله يبقا عينى عينك كده

اطعمة تحسن المزاج وتزيل الكأبة

كشفت خبيرة مخ وأعصاب عن أن هناك أنواعا من الأطعمة تجلب الشعور بالسعادة والابتهاج للإنسان من خلال دورها في مساعدة المخ على إفراز هرمونات ومواد تحسن الحالة المزاجية والنفسية للشخص وتخلصه من التوتر والكآبة. وقالت د. نرمين عادل كشك -أستاذ مساعد المخ والأعصاب بجامعة القاهرة -: "هناك أطعمة تساعد على رفع الروح المعنوية وتحسين الحالة النفسية للشخص من خلال دورها في توجيه المخ لإفراز هرمونات ومواد معينة تساعد في تحسين الحالة المزاجية للشخص ومنحه شعورا بالسعادة والابتهاج". وفي ما يلي 10 أنواع من الأطعمة التي تساعد في جلب السعادة والشعور بالابتهاج: 1- الشكولاتا: وتحتوي الشكولاتا على مادة الكافيين التي تعتبر منشطا فعالا للجهاز العصبي وعاملا مهما يخلصه من التعب والإجهاد فيتولد على الفور إحساس بالراحة والهدوء والسعادة. كما أنها تحتوي على نسبة من السكر تساعد في رفع مستويات هرمون السيروتونين المنظم لمزاج الإنسان. 2- الأسماك: وأظهرت أبحاث أن الأشخاص الذين يعيشون بالقرب من البحار يبدون أكثر سعادة من غيرهم، ويعود ذلك ربما لكثرة تناولهم الأسماك المحتوية على أوميجا 3 التي تساعد بدورها على تهدئة الأعصاب
كما أظهرت أن المعالجة من الكآبة بزيت السمك يمكن أن تكون فعالة بقدر عقار Prozac ، وهو أحد الأدوية الشائعة لعلاج أمراض الكآبة. 3 – السبانخ: وتحتوي على حامض الفوليك الذي يؤدي إلى انخفاض الإصابة بالتوتر والقلق. 4- الطماطم: وتحتوي الطماطم على مركب اللايكوبين، الذي يمنحها لونها الأحمر اللامع، ويعد علاجا فعالا في محاربة الكآبة وتحسين المزاج، كما يمنع تشكيل المركبات الالتهابية في الدماغ التي ترتبط بالكآبة. وتحتوي الطماطم على محسنات أخرى للمزاج، مثل حامض الفوليك والمغنيسيوم والحديد. 5- البنجر الأحمر: ويعتبر البنجر مصدرا جيدا لفيتامين بـ، الضروري لعمل الذاكرة، وحس الفكاهة، والقدرة على إيجاد المعلومات بسرعة ومعالجتها. ويحتوي البنجر على مركب betaine أيضا وهو مركب يستعمله الدماغ في محاربة الكآبة طبيعيا. 6 - الفلفل الحار: ويأتي الطعم اللاذع للفلفل الحار من مادة capsaicin، والتي تساعد في إذابة الدهون في الدم، وإنتاج الدماغ مركبات endorphins - التي تعمل على تهدئة الأعصاب. 7 – الثوم: ويحتوي كمية كبيرة من معدن الكروم، الذي يؤثر على هرمون serotonin، المعروفة بأنه المادة الكيميائية "السعيدة".
8 – العسل: وعلى عكس السكريات الضارة عديمة الفائدة، يحتوي العسل على كثير من المواد المحسنة للمزاج كفيتامينات بـ، وحامض الفوليك، والحديد، والمنجنيز و181 مركبا حيويا مختلفا، مثل quercetin. 9 – الكرز: ويطلق عليه الأطباء في الغرب الأسبرين الطبيعي؛ حيث يمنح من يتناوله شعوراً عارماً بالسعادة. 10 – الموز: ويحتوي على مركب كيميائي طبيعي يمنح الثقة بالنفس.

اكتشاف جديد لعلاج مرض السكر

السلام عليكم و رحمة الله و بركاته
وصلتني رساله عالفيسبوك فيها اكتشاف لعلاج مرض السكر ربنا يشفي كل مريض يا رب
قولت لازم اقولكم عليه

تــــم اكتشـــــــاف عـــــلاج للـــســـكــــر
◔◡◔◡◔◡◔◡◔◡◔◡◔◡◔◡◔◡◔
انشروها يمكن تفيد في شفاء انسان

انشرها بارك الله فيك
...
فلو تركناها لما وصلت اليك

علاج السكري بالتجربة - سبحان الله...

التجربة خير برهان....

يقول احد العلماء في الكويت :

هذا علاج كلما وصفته لأحد المصابين بالسكري جاءني بنتائجه الطيبة الرائعة

وهذا من فضل ربي أخرها زميل لي في العمل أعطيته إياه منذ (5) أيام وجاءني

اليوم يدعو لي حيث كانت عيناه يكسوها البياض الغير طبيعي من السكر وعلى وصفه

اليوم لي عندما طلب مني مزيد منه

قال والله يا أبومشاري السكر كان في الليل يصل (480) وفي النهار مابين (250)

إلى (300) وقد نخرت جسده ابر الأنسولين فقال لي منذ أن استعملته وقد أصبح في

الليل (180) وفي النهار (110) لا يتعداها

وقد أوقف استعمال إبر الأنسولين خلال الأيام الماضية تماماً ...

لا أطيل عليكم

الدواء

بعد توفيق الله سبحانه وتعالى

هو - ورق شجرةالزيتون

طريقة عمله بسيطة جداً هي أن تغلي كمية من ورق الزيتون ما يملىكفيك منها من الورق كفيك الاثنين تغسله بالماء لتخليصه من الغبار ثم بعد ذلك تغليه بلتر ونصف ماء حتى يغلي ويقلب الماء عند غليه (3) دقائق ثم تتركه يبرد وترشحه وتأخذ القطارة (الماء فقط ) وتعبئة في زجاجة وليست بلاستيك وتضعه في الثلاجة وتشرب منه فنجان قهوة عربي كبير أو كأس شاي
طريقة استعماله:
تشرب منه فنجان قبل الفطور وقبل الغداء وقبل العشاء يعني (3) مرات يومياً مع إيقاف جميع أنواع أدوية وعلاجات السكر وتقوم بمراقبة السكر بالتحليل خلال اليوم الأول والثاني والثالث وبعدها تقرر هل تستمر أو لا ؟؟؟ اسأل الله سبحانه وتعالى بمنه وكرمه وجوده وإحسانه أن يمن على جميع المرضى
بالشفاء والعافية إنه سميع مجيب والله يرعاكم

ملاحظة هامة :
حتى ولم تكن مصابا بمرض السكر عافاك الله ولكن هناك من الناس المصابين بهذا المرض فندعوك بسرعة نشرها لتعم الفائدة إن شاء الله تعالى

وتساهم في إنقاذ إنسان على فكره جربها عدد من الصحاب ونتيجة مثمره إن شاء الله نصيحتي اللي السكر عنده متمكن الأفضل طحن

الأوراق وهي خضراء ثم وضعها مع الماء وغليها و يشرب منها جرعات قبل الأكل ونتيجة مضمونه

ملحوظة:

لاختيار الأوراق الجيدة يجب أن تأخذ واحده منها وتمضغها إذا هي لاذعة ومره فهي جيده وتكون مفيدة
علي فك♥ره الفائدة مو بس تنزيل السكر بس (معالجة ما خلفه من تدمير في الجسم)
♥

يا ريت تقيمو الموضوع عشان اكبر عدد يشوفه ان شاء الله يا رب اشفي كل مريض سكر و اشفي اختى منه

علاج الامساك المزمن

لعلاج هو


السمسم


ايوة والله العظيم شاهد عليا السمسم علاج رهيب بجد فى الحالات الصعبة جداااااااااااااااااااااااااااا


وفى اقل من يوم واحد



ومش محتاج أى حاجة لا طحن ولا غلى ولا ااااااااا اى حاجه


مجرد انك تاخدى معلقة او معلقتين كبار فى اليوم على أى اكل عندك أو حتى لوحده كده

سبب قول الحمد لله بعد العطس؟

الحكمة من قول "الحمدلله" بعد العطسة لأن القلب يتوقف عن النبض خلال العطاس والعطسه سرعتها 100 كيلومتر في الساعه وإذا عطست بشده من الممكن أن تكسر ضلع من أضلاعك وإذا حاولت إيقاف عطسة مفاجئة من الخروج ، فإنه يؤدي إلى إرتداد الدم في الرقبه أو الرأس ومن ثم إلى الوفاة وإذا تركت عيناك مفتوحتان أثناء العطاس ، من المحتمل أن تخرج من محجريها وللعلم ،، اثناء العطسة تتوقف جميع أجهزة الجسم التنفسي والهظمي والبولي وبما فيها القلب رغم ان وقت العطسه ( ثانيه او الجزء من الثانيه) وبعدها تعمل إن أراد الله لها أن تعمل و كأنه لم يحصل شيء . لذلك كان حمد الله تعالى هو شكر لله على هذه النجاة.

كيف نعرف المنتجات التى بها لحم خنازير

مكونات المنشأ لحم الخنزير
المعنى والمصدر المصطلح الذي يجب ان تبحثو عنه في الاطعمه
عظام مفاصل الخنزير Bath Chap
فحذ خنزير مقدد او مدخن Gammon
شريحه رقيقه من لحم الخنزير مشويه او مقليه Rasher
لحم فخذ الخنزير Ham
دهن الخنزير Lard
وجبه يابانيه بها دهن الخنزير Fish Ham
اسم لأنزيم الرنين الغير محدد المصدر الحيواني Chymase
زبدة المارجرين المصنعه من دهن الخنزير Lardine
زبدة نباتيه مضاف اليها 10% دهن حيواني Margarine
نقانق من لحم خنزير فقط Saveloy
شوربة خنزير Bone Borth
دهن حيواني غير محدد الممصدر Animal Fat
بيرجر لحم الخنزير Ham Burger
ماده هلاميه غير محددة المصدر Gel
جزء من بطن الخنزير Belly
انزيم يستخرج من امعاء الحيوانات والخنزير خصوصا Pepsin
لحم خنزير مملح Bacon
انزيم يستخرج من امعاء العجل والخنازير Renin
نوع من النقانق مصنوع من لحم غير محدد المصدر Pepperoni
اطعمه من امعاء وكبد الخنزير Haslet
عظام يزال عنها الدهن وتقطع الى احجام صغيره Bone Charcoal
لحم خنزير متبل Brawn

بالنسبه للكحول فبعض الاطعمه التي تحتوي على كحول مثل النساتل والحلويات يضعون في المكونات الرمز E1510 ومرات يكتبون بصفه ethanol او ميكتبون فقط الرمز E1510 والي هو مادة الايثانول المسكره

وايضا هذه اسماء لمشتقات الكحول المتنوعه يمكنكم ان تجيكون الحلويات والنساتل والمشروبات وتبحثون عن هذه المشتقات ان وجدت معناها انه المنتج يحتوي على نسبه من الكحول
Wine
Champagne
Brandy
Whiskey
Gain
Burgundy
Scotch
Beer
Rum
Bordeaux
Malt
Liqueur
Vodka
Mescal
Marc
Maraschino
Alcohol
Vin rouge
Vin blanc

رجيم لحرق دهون البطن

رجيم لحرق دهون البطن

أن اتباع هذا النظام الغذائي ينقص الوزن من 3 إلى 4 كيلوجرامات في الأسبوع

الإفطار:

- 2 ثمرة فاكهة متنوعة "ما عدا التين، العنب، البلح، الموز، والمانجو"..
ويفضل كوب عصير برتقال أو جريب فروت+ سوائل "شاي، أو قهوة، أو صودا، ماء
ليمون بدون سكر".

الغداء:

- طبق سلطة خضراء.
- 4 ملاعق خضار مسلوق.
- شريحة لحم مشوية أو ربع فرخة مسلوقة أو 2 سمكة مشوية أو علبة تونة "بدون زيت".

العشاء:

- زبادي بالخيار، أو 3 ملاعق فول بالليمون، أو بيضة مسلوقة، أو قطعة جبن قريش بالطماطم.
- شريحة توست أو ربع رغيف بلدي.


النصائح والتوجيهات:

لا تنسوا الرياضة الصحية وهي المشي السريع مدة 20 دقيقة في اربع ايام فقط من الاسبوع
شرب كميات كبيرة من الماء حوالي 8 اكواب
عدم ادخال اي شيء على البرنامج
الابتعاد عن المشروبات الغازية
يمكن شرب الشاي والقهوة ولكن بدون سكر
الابتعاد عن الملح والطماطم لأنها تعمل على احتباس السوائل ف الجسم مما يعمل على انتفاخ الجسم وبالتالي عدم النزول ف الوزن

وصفة للتركيز في الامتحانات

نحن فى موسم الامتحانات بتمنى للكل التوفيق والنجاح وطبعا التركيز
وصفات لذياده التركيز والحفظ:
1-يوميا كوب ماء دافىء به معلقه عسل على الريق
2-ناخذ 21زبيبه يوميا و3عين جمل
3-ملعقه عين جمل مطحون وملعقه حبوب اللقاح وملعقه عسكرى صباحا ومساء
4-نحضر 50جم زنجبيل و50جم لبان دكر و50جم حبه البركه و50جم عين الجمل
مطحون و50 جم لوز مطحون ويخلطوا مع كيلو عسل ابيض ويؤخذ ملقتين يوميا
5-ناخذ فيتامين به زنك يوميا ويااااااااااااااااااااارب بالنجاح للكل

اغذية صديقة للمخ

الأغذية الصديقة للمخ:
- الفراولة: تمنع التراجع الذهني المتعلق بتقدم العمر
- السبانخ: تزيد القدرة الإستيعابية و يقوي الذاكرة
- زيت الزيتون: يقاوم الشيخوخة و ضعف الذاكرة و تدهور خلايا المخ
- الخل: يحمي المخ من الضرر الذي يسببه الإرتفاعات الحادة لسكر الدم.

نصائح عند إزالة المكياج..

نصائح عند إزالة المكياج..



مثلما يحتاج وضع المكياج لبعض الخطوات التي تخص العناية بالبشرة لكي
تبدو في أحسن صورة، فنفس الأمر تحتاجه البشرة عند إزالة المكياج حتى لا
تصاب بأي ضرر أو جفاف. ولكي تواظبي على إزالة مكياجك يجب أن تعرفي أولا
أهمية تلك الخطوة لنضارة وصحة بشرتك. فبقاء المكياج لفترة طويلة على بشرتك
خاصة خلال ساعات النوم يتسبب في إغلاق مسام البشرة، وظهور البثور إضافة إلى
الحساسية. وسريعا ما تتحول هذه البثور إلى حفر وبقع داكنة في الوجه وهو
أول ما لا تتمنينه لبشرتك. لذلك من المهم أن تعرفي أسهل الطرق التي يمكنك
أن تزيلي بها المكياج.


قبل شرائك لمزيل المكياج عليك أولا أن تقرئي عن الأنواع الموجودة في
الأسواق وأفضل المنتجات وألطفها على البشرة. ومن المهم أيضا تعرفي آراء
الخبراء وتقييمهم له واختاري منتجا لطيفا على بشرتك. واحرصي على اقتناء
مزيل لمكياج العين وآخر لمكياج البشرة خاصة إن كانت بشرتك دهنية.




وأفضل طريقة لإزالة المكياج أن تبدئي بإزالة مكياج العين أولا حتى لا
تكون في يديك بقايا من مزيل المكياج العادي الذي تكون له آثار سلبية على
العين. ثم قومي بإزالة مكياج البشرة واغسليها واشطفيها جيدا بالماء مع
ضرورة وضع مرطب بعد ذلك.



وتعد الماسكارا المضادة للمياه من أصعب ما تتم إزالته في المكياج لأنها
مصممة لتبقى فترة طويلة، وقد لا يفلح معها بعض المزيلات المخصصة لذلك. ومن
أكثر الأخطاء الشائعة التي تقوم بها الكثيرات أن تستخدم الصابون أو أي
منظف للبشرة لإزالة الماسكارا مما يسبب التهابات العين والحساسية إضافة إلى
أنها لا تتمكن من إزالتها تماما مما يجعلك تكررين المحاولة وذلك يتسبب فى
مزيد من الضرر للعين وجفاف البشرة كلها.




ولكن يمكنك بسهولة أن تزيليها باستخدام شامبو الأطفال، وذلك لاحتوائه
على مكونات كيماوية أخف ومنظفات بنسب أقل من أي شامبو آخر كما أنه أكثر
أمانا بالنسبة للعين حيث لا يسبب التهابات. ضعي قليلا منه على عصا القطن
المخصصة لتنظيف الأذن أو بطرف إصبعك الصغير، ومرريها برفق على الرموش. ثم
اشطفيها جيداً بالماء الفاتر. ويمكنك استخدامه لإزالة المكياج بوجه عام
ولكن احرصي على وضع كمية قليلة منه حتى لا يسبب جفافا لبشرتك.




ومن الخيارات الطبيعية الأخرى أن تستخدمي زيت الزيتون البِكر لإزالة
الماسكارا أو المكياج المضاد للماء بصفة عامة. ويعد زيت الزيتون من المواد
الطبيعية المضادة للأكسدة ولا يحتوي على أي مواد ضارة بالبشرة. كل ما عليك
فعله هو وضع بضع قطرات منه على قطعة قطن نظيفة أو على أطراف أصابعك وأغمضي
عينيك ثم دلكي الرموش برفق. كرري الأمر ثم قومي بغسل عينيك بصابون أو منظف
خاص بالبشرة الحساسة، ثم اشطفيها جيدا بالماء. ولكن تميل بعض الجفون إلى أن
تكون دهنية، لذا لن يمكنك استخدام زيت الزيتون لإزالة الماسكارا ومكياج
العين.


ومن أسهل الطرق التي يمكنك أن تزيلي بها مكياجك دون أن تتسبب في ضرر
لبشرتك أن تستخدمي زيت الأطفال وذلك لأن معظم مستحضرات التجميل تتفاعل مع
الزيت فتذوب سريعا وتسهل إزالتها. قومي بوضع كمية قليلة منه على قطعة قماش
قطنية وامسحي بها مكياجك بالكامل، ثم اشطفي وجهك بالماء فقط دون استخدام
الصابون وستجدين بشرتك ناعمة.


وإن لم يكن لديك زيت زيتون أو أطفال أو أي من المواد السابقة فيمكنك
استخدام الفازلين لإزالة الماسكارا ومكياج العين بصفة عامة. ضعي قليلا منه
على قطعة قطنية للبشرة وعصا قطن تنظيف الأذن للماسكارا. امسحي بشرتك
والرموش برفق مع تربيت خفيف سريع.

الحمام المغربي سهل جدا تعمليه في بيتك

اولا
احب اقول ان الموضوع ده من مجهودي الشخصي وليس نقلا عن اي احد ولا اي
منتدي ولا اسمح بالنقل لاني فعلا تعبت جدا سواء من الكتابة او من الصور

في الموضوع ده هقلوكو ازاي تعملو الحمام المغربي
فاليت بكل الخطوات والنصائح ولو اتبعتب كل الكلام اللي انا بقولوا هتعملي
الحمام المغربي في بيتك و تشيلي هم انك تروحي لصالون او بيوتي سنتر وتتعبي
نفسك وتدفعي قد كده على مرة واحده

وطبعا الحمام المغربي ده لازم
يتعمل مرة كل اسبوع سواء بنت او متزوجه لان دي نظافة شخصية ليكي انتي بس في
مصر المفهمو عن الحمام المغربي ده ان لازم العروسة هي اللي تعملة بس وانه
ميتعملش غير قبل الفرح بكام يوم والكلام الفاضي ده

لكن لا ده بيتعمل
كل اسبوع ولو فيه تعب عليكي يبقى كل اسبوعين علشان يبقى جسمك نظيف اول
باول ومتتراكمش الاوساخ والزيوت على جسمك هتقوليلي ما بستحمة على طول فمفيش
اوساخ ولا اتربة ولا زيوت

هقولك الحمام العادي اللي هو الدوش ده حاجه و الحمام المغربي ده حاجه تانية خاااالص

الحمام
المغربي بينظف تنظيف عمييق و بيشيل كل حاجه من جوا المسام و بيزيل الجلد
الميت تماما من البشرة وطبعا بيدي بياض للبشرة مش معقول ولما تعملي الحمام
المغربي هتشوفي الفرق وغير كده كمان بيخلي الجسم ريحتة عطرة جدا وحلوة اوي
وبيرطب البشرة
وبينعمها اوي وبيبقى حل للشعر اللي تحت الجلد و الحبوب اللي بتتلع فالجسم و
خاصة الظهر وبيوحد لون البشرة ده غير ارتخاء العضلات والاحساس بالراحه
والنعومة

اما الحمام العادي ده نظافة خارجية ولو بتستخدمو ملح
الحليب يوكو زي ما انا بستخدمة ده مجرد اسكراب او مقشر خفيف للبشرة يعني
عالسريع كده من برا بس

وعمتا الحمام المغربي ده ليه خطوات اساسية
ومنتجات معية لازم تكون موجوده ومينفعش نبدلها بحااجات تانية وفيه حاجات
ممكن تتغير او يكون ليها بديل يعني كل بنت واللي يناسب بشرتها او اللي هي
تكون متعوده علية

كفاية كلام بقى كده ونبتدي بقى بسم الله

اول حاجه نكتب الحاجات اللي محتاجينها للحمام المغربي :

1
) اول حاجه طبعا محتاجين الصابون المغربي الاسود اللي بيكون قوامة لزج كده
لا هو سائل ولا مجمد زي الصابون العادي لان كل ده مش اصلي ودي صورتة



وانواعه الكويسة والمتوافرة فالسوق

انا قلت الكويسة فيه انواع كتير جدا بس اللي انا مجرباهم هما دول


تكبير الصورة معاينة الأبعاد الأصلية.


وده كمان


تكبير الصورة معاينة الأبعاد الأصلية.


فيه ناس بتستخدم الصابون ده لوحده وفيه ناس بتخلط معاه حنة و عصير ليمون بس علشان احنا مبتدئين خلينا فالصابون ده لوحده

2 ) الليفة المغربية ولازم تكون الليفة المغربيه السودا اي حاجه تانية لا ملهاش اي لازمة وهتبقي ضيعتي كل اللي انتي هتعمليه عالفاضي
ودي شكلها



وديه للظهر علشان طبعا لو احنا اللي بنعمل لنفسنا مش هنعرف نعمل بالليفة العادية اللي بتدخل فالكف



3 ) صابون والافضل انو يكون طبيعي يعني كامى ولوكس والماركات دي متنفعش لازم صابون طبيعي مفيهوش مواد كيميائية ولا عطور
ودي
صور للصابون الطبيعي علشان اللي مش عارفة بيبقى مالوش شكل كده وبيبقى
الوان حسب المواد الطبيعية اللي فيه يعني مثلا الاصفر بيبقى فيه ليمون و
الاخضر بيبقى فيه بقدونس او خروع والبينك بيبقى فيه ورد كده يعني


تكبير الصورة معاينة الأبعاد الأصلية.




4
) الغسول المغربي او الطمي المغربي زي ما هو معروف وموجود عند العطار و
بيتباع بالكيلو بس لازم تجيبيه من عطار مضمون علشان يبقى حلو وفيه نوع
بيتباع متغلف وده جامد جدا ونظيف اوي اوي احسن نوع فعلا اسمة الشرفاء بيبقى
متعبي في اكياس خضرا هحطلكو صورتو

ده الطمي و ممكن يكون شكلين بودرة او قطع ضعيرة



والكيس الاخضر ده طمي الشرفاء اللي قلت عليه




5 ) ماء ورد طبعا معروفة مفيش حد ميعرفش مية الورد


تكبير الصورة معاينة الأبعاد الأصلية.


وانا
افضل ماء الورد دي اللي فالصورة اللي السائل بتاعها شفاف مالوش لون مش ماء
الورد اللي لونها بينك دي مش كويسة وكلها كيماويات على فكرة ماء الورد
الطبيعي اللي مالوش لون ودي ممكن تلاقوها في السوبر ماركتس الكبيره او
كارفور او سبينس في قسم الاكل لانها هي الكويسة


6 ) زيت مرطب
انا افضل بيبي اويل واختاري اللي يناسبك ولو مش بتحبي البيبي اويل ممكن
تحطي زيت لوز حلو واحد منهم ولو بشرتك مش بتتقبل زيت اللوز ممكن زيت زيتون
وبردو بتاع الاكل لانو بيكون طبيعي ومفيهوش مواد حافظة يعني زيوت الاكل هي
اللي بتستخدم للجسم و البشرة والشعر اما الزيت اللي بيبقة مخصص للشعر او
للجسم بس ده مش كويس بيبقى مليان مواد حافظة





تكبير الصورة معاينة الأبعاد الأصلية.


وكده خلاص ندخل بقى على التجهيييز والخطوات


1
) اول حاجه ادخلي الحمام وقفلي الباب و الشباك واي منفذ للهواء واملي
البانيو مية سخنة مش تبقى مولعه يعني شوفي درجة تحمل جسمك وخلي الحمام
يتملي بخار كتيييييييييييييييييييييييييييير وعقبال ما الحمام يبقى سخن اوي
ومليان بخار اعملي الخطوة التانية

2 ) تحضير الغسول او الطمي المغربي
خدي
كمية مناسبة تكفي جسمك كلو وحطي عليها كمية مية دافية مش سخنة اوي يعني
دافية مناسبة بردو بحيث يكون الغسول بالشكل ده وقوامة زي الصورة وميبقاش
سائل اوي



وممكن تضيفي عليه شوية ماء ورد و لو بشرتك جافة حطي بدل ماء الورد زيت لوز قطرات مش كتير يعني

وحطي الليفة المغربية السودا في مية سخنة في طبق يعني فيه مية سخنة و سيبيها فيه

3
) بعد ما تخلصي عمل الغسول ادخلي اعدي فالبانيو اللي فيه مية سخنة مناسبة
لدرجة جسمك و جسمك يقدر يتحملها زي ما قلت اعدي فيها 10 دقايق مش اقل من
كده يعني من 10 الى 15 دقيقة ولو معندكيش بانيو وعندك بانيو قدم يبقى اقفي
تحت المية السخنة يردو ربع ساعه


4 ) بعد المية السخنة والبخار
ده كلو حطي الصابون المغربي الاسود على كل جسمك مده 7 الى 10 دقايق ولو
تقدري تستحملي اكتر من كده وكنتي فاضيه يعني ماشي مفيش مشكلة بس مش اكتر
يعني من تلت ساعه

في الوقت ده ممكن تدعكي رجلك وكعوب رجلك بي حجر الرجل لانو فرصة الجلد بيبقى طري وسهل ان الجلد الميت يتشال

وده حجر الرجل اللي اصدي عليه


تكبير الصورة معاينة الأبعاد الأصلية.



وتعملي حمام زيت لشعرك بعد طبعا ما تكزني غسلتيه بالشامبو واهي فرصة الحمام سخن ومفعول حمام الزيت هيبقى افضل فالسخونة
ومتنسيش طبعا تخطي شعرك بالبونيه علشان يسخن اكتر



5
) بعد ما يفوت 10 دقايق او المده اللي اختارتيها اغسلي جسمك بالمية
الدافية وشيلي الصابون اللي على جسمك بايدك مش بالليفة و لا بي اي حاجه
بايدك بس
وتاكدي ان كل جسمك خالي من اي نفطة صابون ونضفيه كويس


6 ) وبعدين خدي الليفة المغربيه من الطبق اللي فيه المية السخنة و اعصريها كويس جدا جدا
وابدئي ادعكي جسمك من فوق لتحت ادعكي بزمة وشوفي اللي هيطلع معاكي هتتصدمي

بالنسبة للدعك منطقة الصدر والمناطق الحساسة و الرقبة كل دول بحركات دائرية انا الايدين والرجلين بالطول طالع نازل يعني

واني
بتدلكي هتلاقي الجلد الميت بيطلع على شكل فرولة كده او حاجات كده طويلة
شوية لونها رمادي زي دي كده اللي بيطلع من الاستيكة لما بنمسح حاجه






وركزي عالاماكن الخشنة او المسمرة زي الركب الاكواع بين الفخدين او تحت الابط يعني اي مكان مسمر او خشن يعني زودي الدعك فيها شوية


7 ) بعد ما تخلصي دعك اشطفي جسمك بمية دافية كويس اوي علشان تنزلي كل الجلد الميت اللي طلعت من الدعك ده ينزل


8 ) خدي الصابون الطبيعي واغسلي بيه جسمك كويس اوي اوي بالليفه العادية كانك خلاص بتستحمي عادي وديه الليفة اللي اقصدها



الليفة العادية خالص المصرية البلدي

9 ) و بعدين هاتي الغسول او الطمي المغربي اللي حضرتيه و افرديه على جسمك كلوو سيبيه لمده 15 الى 20 دقيقة

وبعد ما الوقت ده يعدي اغسلي جسمك كويس اوي منو بالمية الدافية

10 ) وبعد كده اخرجي بقى من البانيو ورشي على جسمك شويت ماء ورد مسحة بسيطة يعني

11 ) واخر حاجه حطي من الزيت المرطب اللي انتي اخترتيه سواء البيبي اويل او زيت اللوز الحلو وانا افضل البيبي اويل

وبس
كده والسي بقى وادعيلي دعوة حلوة كده على فكرة الحمام ده مش متعب خالص
لانو تلت ارباع الوقت انتي بتحطي حاجات على جسمك وتستني فمفيهوش اي تعب
ممكن فالوقت ده تاخدي معاك الايباد و تعدي تلعبي او اي مجلة وتقري فيها
شوية والوقت هيعدي بسرعه